Oд 11.9.2023 г. ќе се воспостави времениот режим на сообраќајот во тунелот на стационажа км 6+326 до км 6+366, на десна страна од тунелот, правец Блаце – Скопје, поради изведување на градежни работи – санација на тунелот. Ќе има светлосна сигнализација со наизменично пропуштање на возилата.
БИОН ДОО Тетово известува дека од 20.05.2023 година на патниот правец "Државен пат А3, делница: Буково - Охрид, подделница Буково - влез во Охрид" ќе има измена на времениот режим на сообраќај поради изведување работи што се предвидени на објектот "Поставување на сообраќајна сигнализација и опрема на државен пат А3, делница Буково - Охрид, подделница Буково - влез во Охрид". Режимот ќе биде според сообраќајниот проект. Работите на објектот се предвидени да завршат на 29.02.2024.
01/08/2023
На магистралниот пат А-3 кај с.Очипала на патниот правец Македонска Каменица-Делчево, сообраќајот се одвива наизменично во една коловозна лента за сите видови на возила.
Ве известуваме дека на ден 20.06.2023 (вторник), се започнуваат градежни активности на Државен пат А1, делница Демир Капија - Неготино за што ќе се изврши промена на режимот на сообраќај каде што ќе има пренасочување на возилата од едниот коловоз на другиот коловоз на кој движењето во должина на 2 км ќе се одвива во две насоки.
Работите ќе се изведуваат секој ден во период од 08.00 до 14.00 часот.
Регионалниот пат од с.Извор кон Прилеп, поточно с. Степанци Општина Чашка кон Прилеп е со наноси од земја и кал поради дождот и истиот е непрооден.
Од настанатите поплави на 14.06.2003 год. во Делчево и околината оштетени се темелите на мостот на Црвенска река на магистралниот пат А3 делница М.Каменица – Делчево.
Извршено е примарно санирање,но поради поголема безбедност на сообраќајот,денес 17.06.2003 год. извршено е ЗАТВАРАЊЕ НА ЕДНА ЛЕНТА ОД МОСТОТ ДО КОМПЛЕТНО ЗАВРШУВАЊЕ НА РАБОТИТЕ.
Затварањето е извршено со прописна верикална сигнализација и сообраќајот на мостот се врши наизменично во двата правца по една коловозна лента.
Ги известуваме учесниците во сообраќајот на наведената делница да ја почитуваат поставената сигнализација во интерес на безбедноста.
Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос’’. Сообраќајот на овој патен правец ќе се одвива непречено со ограничување на максимална брзина до 30 км/час.
На ден 08.05.2023 год. ќе се започне со градежни активности на објект: Поставување на заштитна звучна ограда на автопатот А2, делница Скопје -Тетово. Исто така Ве известуваме дека на трасата на која ќе се изведуваат градежните работи ќе има времен режим на сообраќај .
На ден 26.4.2023 г. (среда) започнуваат градежни активности на Државен пат А1, во насока од Демир Капија кон Неготино, за што ќе се изврши промена на режимот на сообраќај со целосно затварање на автопатот на клучката Демир Капија, а сообраќајот ќе биде пренасочен на Регионалниот пат Р1102.
Патниот правец Охрид - Ресен, преку националниот парк Галичица од 08.04.2023 е отворен за сообраќај за возила со дозволена носивост до 3.5 тони.
На патниот правец А2 Кичево – Охрид, во делот од с.Песочани до с.Врбјани, од 31.03.2023 (петок) од 16.00ч поради изведување градежни работи на пат сообраќајот ќе се одвива по девијација – премин од една во друга коловозна лента. Овој изменет режим на сообраќај ќе трае се до завршување на градежните работи. На самото место поставена е соодветна сообраќајна сигнализација.
Почнувајќи од 06.03.2023, на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување.
Според информација од ДГТ Жикол, поради изведување на градежни работи на државен пат А2, делница Миладиновци – Хиподром, сообраќајот на автопатот ќе се одвива според времен режим.
Поради зголемено ниво на вода на реката Радика, од 16.12.2022 урнат е мостот кој води кон селата Нистрово, Бибај, Тануше, Грекај и Нивиште (општина Маврово и Ростуше).
Поради изведување на работи на експресниот пат од Градско до Дреново на местото каде што се гради новата клучка Градско, на државен пат А1, делница Велес-Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.
Информации за движење низ ЈАСЕН
Скопје - Македонски Брод
од 07:30 - 09:00
од 12:00 - 12:45
од 16:00 - 18:00
Македонски Брод - Скопје
од 06:00 - 07:00
од 10:30 - 11:00
од 13:00 - 13:45
од 18:30 - 20:00
Г.П. Илинден – Струга известува дека на патниот правец Кичево – Охрид, на делницата од с.Требеништа – Охрид од 13.10.2022 се воведe изменет режим на сообраќај. На учесниците во сообраќајот им се препорачува да ја почитуваат поставената сообраќајна сигнализација и да ја прилагодат брзината спрема условите на патот.
ГД Гранит АД Скопје известува дека согласно издаденото одобрение за времен режим на сообраќај на Aвтопат А4, делница ГП “Блаце” - Скопје (клучка “Стенковец”) Подделница 1 – проширување на постоен пат А4 од ГП “Блаце” до с. Блаце до ниво на автопат и изградба на дел од автопат со клучка за поврзување со локален пат до с. Блаце , на 2км пред Граничниот Премин “Блаце” од 06.10.2022 г. на местото на изведување на градежните работи се одвива нов времен двонасочен режим на сообраќај (со два нови кружни тека) со поставена соодветна сообраќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.
На регионалниот пат Р1102, односно делница Велес – Градскo поради изведување на градежни работи наведената делница ќе биде затворена за сообраќај од 28.09.2022 год. во наредните 9 месеци, и сообраќајот ќе се одвива согласно одобрениот времен режим на сообраќај.
Инфо телефон:
.jpg)
.jpg)