Патниот правец Охрид – Ресен, преку националниот парк Галичица од 17.04.2025 е отворен за сообраќај за патнички возила и возила со носивост до 3,5тони - (комбиња).

Синтек Инженеринг известува дека отпочнува времена измена на сообраќајот на автопат А1, делница Демир Капија – Смоквица од 17.4.2025 г. до 31.5.2025 г., поради изведба на реконструкција на десната тунелска цевка на Тунел Т2.  Десната тунелска цевка на тунел Т2 е целосно затворена за сообраќај, а сообраќајот е целосно пренасочен во левата тунелска цевка.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани. Овој времен режим е започнат од 03.04.2025 година и ќе трае до завршувањето на градежните активности.

Патниот правец Крушево - с.Долно Дивјаци - с. Кочиша е небезбеден за сообраќај и претсавува опасност за нормално одвивање на сообраќајот и поради таа причина истиот од 15.00 часот на 04.04.2025 година до негово санирање истиот ќе биде затворен за секаков вид на сообраќај, а граѓаните од населените места ќе користат регионален пат с. Пуста Река - Крушево.

СТРАБАГ АГ Подружница СТРАБАГ Скопје известува дека согласно одредбите од договорот и во согласност со ,,Одобрение за времена измена на режим на сообраќај за време на монтажа на дилатација на еластична одбојна ограда на вијадукти и мостови на експресниот пат А1, делница Градско – Дреново”, со број 11-уп-14/4 издадено на ден 05.03.2025 од страна на Министерството за транспорт и врски, Ве известуваме дека почнувајќи од  ден 17.03.2025 па се до 04.04.2025, ќе се изврши пренасочување и регулација на сообраќајот на поедини делови од експресниот пат А1 делница Градско – Дреново, целосно во согласност со одобрениот сообраќаен проект со техн. број 21-П/2025.

Г.П. Илинден – Струга известува дека од 10.03.2025 год. (Понеделник) на патниот правец Кичево – Охрид, делница Пресека – Песочан ќе има девијација поради изведување градежни работи, односно префрлање на сообраќајот од десна на лева коловозна лента се до завршување на работите.

На автопат А1, делница Демир Капија – Смоквица од 20.02.2025 г. до 31.05.2025 г., поради изведба на реконструкција на левата тунелска цевка на Тунел Т2 ќе има времена измена на сообраќајот. Левата тунелска цевка на тунел Т2 е целосно затворена за сообраќај, а сообраќајот е целосно пренасочен во десната тунелска цевка со двонасочно одвивање на сообраќајот.

Г.П. Илинден – Струга известува дека од 19.02.2025год. на патниот правец Р1301 Охрид – Св. Наум, пред туристичката населба  Лагадин во правец на Св. Наум, ќе се изведуваат градежни работи на пат и сообраќајот ќе се одвива со посебен времен режим на сообраќај кој ќе биде регулиран со семафорско решение.

Овој времен режим на сообраќај ќе трае се до завршување на градежните работи.

Информации за движење низ Јасен

Скопје - Македонски Брод

од 07:30 – 09:00

од 12:00 – 12:45

од 16:00 – 18:00

Македонски Брод – Скопје

од 06:00 – 07:00

од 10:30 – 11:00

од 13:00 – 13:45

од 18:30 – 20:00